Ngrohja globale, një sinjal i qartë për kohë të vështira

Që nga mesi i viteve 1800, kur filluam të djegim lëndë djegëse fosile në shkallë industriale, ne kemi modifikuar atmosferën tonë dhe kemi bërë që globi të nxehet parreshtur. Gazrat serë bllokojnë nxehtësinë në atmosferë, e cila shkakton temperatura më të nxehta, rritje të nivelit të detit, prishje të ekosistemeve dhe mot thuajse ekstrem.

Shkencëtarët kanë parashikuar se nëse bota kalon 2C ngrohje mbi nivelet paraindustriale, pasojat do të jenë katastrofike për miliarda njerëz në të gjithë botën. Qeveritë nënshkruan marrëveshjen e Parisit në 2015, në të cilën ranë dakord të kufizonin ngrohjen në 2 gradë Celsius me një ambicie për ta mbajtur atë nën 1.5 gradë Celsius.

Por, ndërkaq bota po ngrohet, akulli i ruajtur në polet dhe në akullnajat po shkrihet dhe nivelet e detit po rriten vazhdimisht. Shkalla e rritjes është përshpejtuar në dekadat e fundit, dhe tani vlerësohet të ketë arritur në 3-4 mm në vit. Shkencëtarët kanë parashikuar se nëse nuk ndërmerren veprime drastike për të zvogëluar emetimet, nivelet e detit mund të rriten me rreth një metër deri në fund të shekullit, gjë që do të ishte katastrofike për shumë kombe të ulëta dhe qytete të populluara bregdetare.

Ndryshimet klimatike në nivele drastike si dhe pasojat e tyre i kemi vërejtur vazhdimisht sidomos gjatë kësaj vere. Sot, kryeministri grek bëri thirrje për të gjithë ata që akoma mendojnë se asgjë nuk po ndodhë në Botën tonë – të vizitojnë vatrat greke ku flakët tashmë e kanë mbërthyer Tokën. Jo më pak shkatërruese janë zjarret në Turqi e Shqipëri! Pra, mesa duket, akoma kemi rrugë para derisa të vetëdijësohemi për krizën që mund të na presi në një të ardhme jo fort të largët!